《前世欠咗你的蛋糕😆》
喺意大利執包袱走佬時，自言自語：「有啲唔捨得整蛋糕嘅架生添，不過埋掂香港貢多蛋糕店，都冇人恨食我整嘅蛋糕啦～疊埋心水返香港喪食罷啦～嘻嘻！」
真係唔講得笑，從來六合彩噏極都噏唔中，啲邪嘢反而俾我口多多噏中！
有個人，喺我出關之後開始扭計：「有咩理由你姑拉都有得食你整嘅蛋糕，你親家姐反而冇？講唔通噃！😏」
......
一世人兩姊妹，
由細打到大，總覺得前世是撈亂骨頭。
到後來長大，又發覺總有些事情在全世界只有我倆全懂。
雖然啱啱出關，實在有太多嘅事情排山倒海等住我去處理，但我也不忍心拒絕曾久久相隔9000公里的請求。
「哎呀，整喇整喇，真係前世欠咗你喇！」
感恩有個得力表美助攻，又出動埋佢嘅架生。砌咗兩日半，仲有汪汪管理員幫手監工（我每逢坐低企起身都要問過佢，否則吠到收唔到聲🤣），終於完成咗從來冇諗過喺香港整嘅生日蛋糕！
雖然我同表美日搓夜搓，換來呢個傻婆一笑也倒值得的。
Instagram @misi_gipsy_italy
#嫁到意大利
#生日快樂
#特別要求
#親手整就好
#飛到邊都整
#希望你快樂
#呢個真係好重手
#嚇親蛋糕師傅呢
#咁多瑕疵都攞出街
#特別鳴謝表美
#冇咗佢我應該只夠時間整海綿蛋糕
Search